AFFA-nın ötən il üçün maliyyə xərcləri məlum olub.

Prosport.Az xəbər verir ki, qurumun 2023-cü ildə əsas fəaliyyət xərcləri 27 957 622 manat təşkil edib.

Xərclərin 12 806 378 manatı milli komandalara sərf olunub.

Bununla yanaşı, 4 503 450 manat əmək haqqı və ezamiyyə xərclərinə, 1 978 885 manat isə U-10-dan başlayaraq qız və oğlanlar arasında liqaların təşkilinə xərclənib.

Ümumi xərclərin 3 783 469 manatı hakimlər və hakim-inspektorlara, 685 548 manatı təsərrüfat xərclərinə, 785 117 manatı oyunların təşkilinə, 335 869 manatı aviabilet və hotel xərclərinə ayrılıb.

229 973 manat nəqliyyat xərclərinə, 170 370 manat kommunal və rabitə xərclərinə, 161 786 manat təhsilə, 273 064 manat Marketinq və Sponsorluq Departamentinə, 408 097 manat "Elit Məşq", 54 030 manat "Futbol dərsi" layihəsinə, 1 100 429 manat VAR layihəsinin tətbiqinə ayrılıb.

Eləcə də, Azərbaycan Futzal Federasiyasına 1 milyon 467 min manat, Futbolun İnkişaf Fonduna 331 min manat, "Turan Tovuz" Futbol Akademiyasına 287 min 354 manat, Regional Futbol Federasiyaları İctimai Birliyinə 286 min 103 manat, Uşaq və Gənclər Futbol Federasiyasına 185 min manat, Futbol Veteranları İttifaqına 167 min manat, Çimərlik Futbolu Federasiyasına 111 min 800 manat, Əlillər Futbol Federasiyasına 94 min 20 manat, Sahə Futbol Federasiyasına 48 min manat, İctimai Futbol Təşkilatları İctimai Birliyinə 38 min 600 manat, Tələbə Futbol Federasiyası 14 min 600 manat, İsgəndər Cavadov adına Akademiyaya 9 min manat vəsait köçürülb.