Bakıda keçirilən taekvondo üzrə dünya çempionatının 4-cü günü də Azərbaycan üçün uğursuz keçib.

Prosport.Az-ın xəbərinə görə, bu gün ölkəmizdən yeganə mübarizə aparan Xanoğlan Kərimov (63 kq) da medalsız qalıb.

O, 1/32 finalda portuqaliyalı Alfredo Martinsə, 1/16 finalda Səudiyyə Ərəbistanından olan Zəkəriyyə Məhəmmad Qaliyə qalib gəlsə də, 1/8 finalda danimarkalı Tobias Hütelə uduzub.

Qeyd edək ki, Azərbaycan meydan sahibi olsa da, hələ medal qazana bilməyib.