Azərbaycan milli komandasının qapıçısı Şahruddin Məhəmmədəliyevin formasını geyindiyi “Adana Dəmirspor” klubu FIFA tərəfindən sanksiyalara məruz qalıb.

Prosport.Az Türkiyə mətbuatına istinadən xəbər verir ki, maliyyə qaydalarını pozduğuna görə Adana təmsilçisi FIFA tərəfindən cəzalandırılıb.

Belə ki, Şahruddinin şərəfini qoruduğu klub üç “transfer pəncərəsi”ndə heyətinə futbolçu qata bilməyəcək.

Əlavə edək ki, Azərbaycan millisinin qolkiperi 2023-cü il sentyabrın 8-də "Qarabağ"dan "Adana Dəmirspor"a keçib. Onun Superliqa klubu iləmüqaviləsi 2025-ci il iyunun 30-na qədərdir.