“Qarabağ”ın 14 yaşadək futbolçulardan ibarət komandası (U-14) Belarusun paytaxtı Minskdə təşkil olunan “Bizim gələcəyimiz” turnirində yarımfinala çıxıb.

Prosport.Az xəbər verir ki, Asif Əlizadənin baş məşqçisi olduğu U-14 beynəlxalq turnirin 1/4 mərhələsində Rusiyanın "Baltika" komandası ilə görüşüb. Bu matçda qrup mərhələsində qırmızı vərəqə almış Vaqif Nəbiyev də meydanda olub. Oyun 1:0 hesabı ilə komandamızın qələbəsi ilə başa çatıb.

“Qarabağ”ın qoluna 32-ci dəqiqədə Cavidan Əlizadə imza atıb. Beləliklə, "Qarabağ" yarımfinala yüksəlib. 

Qeyd edək ki, yarımfinal oyunu sabah Bakı vaxtı ilə saat 13:35-də Rusiyanın "Pskov" komandasına qarşı olacaq.