“Qarabağ”ın "Bizim gələcəyimiz" adlı turnirin 1/4 finaldakı rəqibi bilinib.

Prosport.Az xəbər verir ki, “Qarabağ”ın 14 yaşadək futbolçulardan ibarət komandası Belarusun paytaxtı Minskdə təşkil olunan “Bizim gələcəyimiz” turnirində növbəti oyununu keçirib. Asif Əlizadənin baş məşqçisi olduğu U-14 beynəlxalq turnirin qrup mərhələsində son matçına çıxıb. 

C qrupunda yer alan komandamız III turda Belarusun BATE klubu ilə görüşüb. Oyun 1:0 hesabı ilə rəqibin qələbəsi ilə başa çatıb. Oyunun son dəqiqələrində müdafiəçi Vaqif Nəbiyev birbaşa qırmızı vərəqə alıb.

Bununla da 6 xalla qrupu 2-ci sırada başa vuran "Qarabağ"ın 1/4 final mərhələsində rəqibi bilinib. Növbəti mərhələdə komandamız Rusiyanın "Baltika" klubu ilə qarşılaşacaq. Oyun sabah Bakı vaxtı ilə saat 14:30-da başlayacaq.