“Qarabağ”ın 14 yaşadək futbolçulardan ibarət komandası Belarusun paytaxtı Minskdə təşkil olunan “Bizim gələcəyimiz” turnirində növbəti oyununu keçirib. 

Prosport.Az-ın Minskə ezam olunmuş əməkdaşının verdiyi xəbərə görə, Asif Əlizadənin baş məşqçisi olduğu U-14 beynəlxalq turnirin qrup mərhələsində 2-ci matçına çıxıb. 

Komandamız II turda Rusiyanın "Rotor" klubu ilə görüşüb. Moskva klubu ilə oyun 2:0 hesabı ilə başa çatıb. “Qarabağ”ın qollarını 11 və 20-ci dəqiqələrdə Daniil Rəcəbov vurub. Bununla da, "köhlən atlar" turnirdə 1/4 final mərhələsini təmin edib.

Qeyd edək ki, komandamız qrupdakı son matçını bu gün Belarus təmsilçisi BATE ilə keçirəcək. Oyun Bakı vaxtı ilə saat 18:20-də baş tutacaq. "Qarabağ"a qrup lideri olmaq üçün minimum heç-heçə də kifayət edir.