Azərbaycanın qadın boksçusu Şəhla Allahverdiyeva İtaliyanın Busto Arsitsyo şəhərində keçirilən I Dünya Olimpiya Təsnifat Turnirində ispaniyalı Mariana Sotoya qalib gəlib.

Prosport.Az xəbər verir ki, 66 kq çəkidə mübarizə aparan boksçumuz 1/16 finalda rəqibini 5:0 hesabı ilə məğlub edib.

Ardıcıl 2-ci qələbəsini qazanan Şəhla Allahverdiyeva 1/8 final döyüşünə sabah çıxacaq. Onun rəqibi Milena Matoviç (Serbiya) – Anastasiya Çernokolenko (Ukrayna) olacaq.

Qeyd edək ki, bu gün Azərbaycanın daha 2 boksçusu qüvvəsini sınayacaq. Mərcanə Savriyeva (50 kq) Susan Aquasla (Ekvador), Ümid Rüstəmov (57 kq) isə Şəfi Bakari (Keniya) ilə döyüşəcək.