"Qarabağ"ın 15 yaşadək komandası AFFA U-15 Liqasında növbəti qələbəsini qazanıb.

Prosport.Az-ın xəbərinə görə, XXI turda "Qarabağ" Tovuza səfər edib. "Köhlən atlar" meydan sahibi "Turan Tovuz"u 6:0 hesabı ilə darmadağın edib.

Vüqar Əsgərlinin baş məşqçisi olduğu komanda ilk hissədə rəqibinə 4 qol vuraraq matçın taleyini erkən həll edib. Qolları Murad İbrahimli (5), Amin Rzayev (12), Hüseyn Bayramov (30), Uğur Qurbanlı (39) və Riad Qaradağlı (74) vurub. Daha bir top tovuzlu müdafiəçinin avtoqolu ilə reallaşıb.

Xatırladaq ki, tərəflərin "Sərhədçi"də keçirilmiş ilk oyununda "Qarabağ" rəqibini 4:3 hesabı ilə məğlub etmişdi.

Qeyd edək ki, "Qarabağ" hazırda 54 xalla turnir cədvəlinin lideridir.