Azərbaycanın MMA döyüşçüləri – Vüqar Kərəmovla Tural Rəhimovun adı "Rizin Landmark 8" turnirindən çıxarılıb.

Prosport.Az-ın xəbərinə görə, fevralın 24-də Yaponiyanın Saqa şəhərində keçiriləcək yarışda idmançılarımızın adlarının turnirdən çıxarılmasına səbəb Vüqar Kərəmovun özünün, eləcə də onunla Tural Rəhimovun şəxsi məşqçisi Ruslan Əfəndiyevin həbsdə olmasıdır.

Həmçinin, düz 1 ay sonra – martın 22-də Şimali İrlandiyanın paytaxtı Belfastda keçiriləcək "Bellator Champions Series" turnirində Tofiq Musayevin də adının çıxarılacağı gözlənilir. İngiltərəli Elfi Deyvislə qarşılaşmalı olan Tofiq Musayev barədə ölkəni tərk etməmək barədə qərar çıxarılıb.