Azərbaycanın 3 sərbəst güləşçisi Rumıniyanın paytaxtı Buxarestdə keçirilən Avropa çempionatında medal qazanıb.
Prosport.Az xəbər verir ki, Məhəmmədxan Məhəmmədov (97 kq) gümüş, İslam Bazarqanovla (57) Əli Rəhimzadə (65 kq) bürünc mükafata yiyələnib.
Avropa çempionu M.Məhəmmədov finalda Gürcüstan təmsilçisi Qivi Matçaraşviliyə 1:7 hesabı ilə məğlub olub. 3-cü yer uğrunda görüşlərdə isə Azərbaycanı təmsil edən dağıstanlı İslam Bazarqanov Ukraynanı təmsil edən azərbaycanlı Kamil Kərimova 10:8, Əli Rəhimzadə Fransa adından çıxış edən çeçen Həmzət Arsamerzuyevə 4:0 qalib gəlib.
Bu gün mübarizəyə qoşulan güləşçilərdən 4-ü – Nürəddin Novruzov (61 kq), Turan Bayramov (74 kq), Arseni Cioyev (86 kq) və Georgi Meşvildişvili (125 kq) isə sabah bürünc medal uğrunda yarışmaq hüququna yiyələnib.
Qeyd edək ki, daha əvvəl Azərbaycan millisi Avropa çempionatında ümumilikdə 9 medal qazanıb. Yunan-Roma güləşçilərdən Nihat Məmmədli (60 kq), Murad Məmmədov (63 kq), Həsrət Cəfərov (67 kq) birinci, Rəşad Məmmədov (55 kq), Ülvü Qənizadə (72 kq) ikinci, Beka Kandelaki (130 kq) üçüncü yeri tutub. Qadın güləşçilərdən isə Mariya Stadnik (50 kq) və Alyona Kolesnik (59 kq) qitə çempionu olublar, Elis Manolova (65 kq) bürünc mükafata yiyələnib.
11:49
Rumıniyanın paytaxtı Buxarestdə keçirilən güləş üzrə Avropa çempionatı davam edir.
Prosport.Az xəbər verir ki, bu gün daha 5 sərbəst güləşçi mübarizəyə qoşulacaq, 3-ü isə medal görüşünə çıxacaq.
Nürəddin Novruzov və Arseni Cioyev təsnifatdan, Turan Bayramov, Osman Nurməhəmmədov və Georgi Meşvildişvili 1/8 finaldan yarışa başlayacaq.
Ötən gün finala yüksələn Məhəmmədxan Məhəmmədov (97 kq) da qitə çempionu olmağa çalışacaq. Onun finaldakı rəqibi Qivi Matçaraşvili (Gürcüstan) olacaq. İslam Bazarqanov (57) və Əli Rəhimzadə (65 kq) isə bürünc medal uğrunda görüşə çıxacaq.
Güləşçilərin ilk rəqibləri:
Nürəddin Novruzov (61 kq) – Vladimir Yeqorov (Şimali Makedoniya): təsnifat
Turan Bayramov (74 kq) – Zəlimxan Hacıyev (Fransa): 1/8 final
Arseni Cioyev (86 kq) – Metyu Faynsilver (İsrail): təsnifat
Osman Nurməhəmmədov (92 kq) – Məhəmməd Qurbanov (AİN): 1/8 final
Georgi Meşvildişvili (125 kq) – Lyova Qevorqyan (Ermənistan): 1/8 final
Medal görüşləri:
Məhəmmədxan Məhəmmədov (97 kq) – Qivi Matçaraşvili (Gürcüstan): final
İslam Bazarqanov (57) – Kamil Kərimov (Ukrayna): 3-cü yer uğrunda
Əli Rəhimzadə (65 kq) – təsəlliveridi görüşün qalibi: 3-cü yer uğrunda
Qeyd edək ki, daha əvvəl Azərbaycan millisi Avropa çempionatında ümumilikdə 9 medal qazanıb. Yunan-Roma güləşçilərdən Nihat Məmmədli (60 kq), Murad Məmmədov (63 kq), Həsrət Cəfərov (67 kq) 1-ci, Rəşad Məmmədov (55 kq), Ülvü Qənizadə (72 kq) 2-ci, Beka Kandelaki (130 kq) 3-cü yeri tutub. Qadın güləşçilərdən isə Mariya Stadnik (50 kq) və Alyona Kolesnik (59 kq) qitə çempionu olub, Elis Manolova (65 kq) bürünc mükafata yiyələnib.