Rumıniyanın paytaxtı Buxarestdə keçirilən Avropa çempionatında bu gün Azərbaycanın daha üç qadın güləşçisi mübarizəyə başlayacaq.

Prosport.Az xəbər verir ki, Jalə Əliyeva (57 kq) və Elis Manolova (65 kq) təsnifatda müvafiq olaraq Erika Boqnar (Macarıstan) və Nikoleta Barmpa (Yunanıstan) ilə üz-üzə gələcəklər. Birgül Soltanovanın (62 kq) isə 1/8 finalda Qreys Yakob Bulleni (Norveç) sınağa çəkəcək.

Mariya Stadniklə (50 kq) Alyona Kolesnik (59 kq) isə final görüşünə çıxacaqlar. Stadnik karyerasında 10-cu, Kolesnik isə ilk Avropa çempionluğunu qazanmağa çalışacaq. Onlar həlledici dueldə müvafiq olaraq Evin Demirhan (Türkiyə) və Alina Filipoviçlə (Ukrayna) üz-üzə gələcəklər.

Qeyd edək ki, yunan-Roma güləşi üzrə Azərbaycan millisi Avropa çempionatında 3 qızıl, 2 gümüş, 1 bürünc medal qazanıb. Nihat Məmmədli (60 kq), Murad Məmmədov (63 kq), Həsrət Cəfərov (67 kq) birinci, Rəşad Məmmədov (55 kq), Ülvü Qənizadə (72 kq) ikinci, Beka Kandelaki (130 kq) isə üçüncü yeri tutub.