Azərbaycanın 2 qadın güləşçisi Rumıniyanın paytaxtı Buxarestdə keçirilən Avropa çempionatında yarımfinala yüksəlib.

Prosport.Az xəbər verir ki, Mariya Stadnik (50 kq) və Alyona Kolesnik (59 kq) finala çıxmaq uğrunda mübarizə aparacaq.

İdmançılar yarımfinalda, müvafiq olaraq, ukraynalı Oksana Livaç və polşalı Qil Patrisiya ilə qarşılaşacaq.

Azərbaycanın yunan-Roma güləşçisi Rafiq Hüseynov (82 kiloqram) isə təsəlliverici görüşdə gürcüstanlı Qela Bolkvadzeyə 0:9 hesabı ilə məğlub olaraq turniri medalsız başa vurub.

Qeyd edək ki, ötən gün yunan-Roma güləşçilərindən Murad Məmmədov (63 kq) qızıl, Rəşad Məmmədov (55 kq) gümüş, Beka Kandelaki (130 kq) bürünc medalın sahibi olub. Azərbaycan fevralın 18-dək davam edəcək Avropa çempionatında 25 güləşçi ilə təmsil olunur.