Azərbaycanın yüngül çəkidə MMA döyüşçüsü Tofiq Musayev Şimali İrlandiyanın paytaxtı Belfast şəhərində keçiriləcək “Bellator 302” turnirində iştirak edəcək.

Prosport.Az xarici mətbuata istinadən xəbər verir ki, 35 yaşlı idmançı Böyük Britaniya təmsilçisi Alfi Devislə qarşılaşacaq. Döyüş martın 22-də keçiriləcək. 

Qeyd edək ki, Tofiq Musayev “Bellator”da son döyüşünü ötən il mart ayında keçirib. O, həmin vaxt ABŞ-ın San Xose şəhərində təşkil olunmuş turnirdə rusiyalı Aleksandr Şabliyə 3-cü raundda texniki nokautla məğlub olub.