Azərbaycan Kikboksinq Federasiyasının vitse-prezidenti “Lord” ləqəbli Ramal Aslanovun evində oğurluq hadisəsi baş verib.
Prosport.Az oxu.az-a istinadən xəbər verir ki, onun Zığ qəsəbəsində yerləşən evindən 6 min manat dəyərində olan qızıl-zinət əşyaları və 40 min manat dəyərində olan bahalı qol saatı oğurlanıb.
Daxili İşlər Nazirliyinin (DİN) məsələ ilə bağlı yaydığı açıqlamada oğurluq əməlini törətməkdə şübhəli bilinən 1971-ci il təvəllüdlü, əvvəllər məhkum olunmuş Hafiz Qocayevin polis əməkdaşları tərəfindən saxlanıldığı bildirilib.