Bu gün sərbəst və yunan-Roma güləşi üzrə U-20 Azərbaycan çempionatı start götürür.

Prosport.Az xəbər verir ki, ilk gündə sərbəst güləşçilər 5 çəkidə qalib adı uğrunda mübarizə aparacaqlar.

Çəkisi 57 kq, 65 kq, 74 kq, 86 kq və 97 kq olan idmançılar ən güclünü müəyyənləşdirəcəklər.

Bakı İdman Sarayında baş tutacaq çempionatın keçirilməsində əsas məqsəd gənclərdən (U-20) ibarət milli komandanı formalaşdırmaqdır. Görüşləri hər gün saat 10:00-da başlanacaq.

Qeyd edək ki, yanvarın 30-da sərbəst güləş üzrə 61, 70, 79 və 125 kq-da mübarizə baş tutacaq. Ertəsi gün yunan-Roma növündə 55, 63,72 82 və 97 kq-da qaliblər bəlli olacaq. Fevralın 1-də, son yarış günündə isə 60, 67, 77, 87 və 130 kq-da olan “klassiklər” xalçaya çıxacaqlar.