Azərbaycanın qadın idmançısı Gözəl Zutova 6-cı idman növündə qüvvəsini sınayacaq.

Prosport.Az-ın xəbərinə görə, 38 yaşlı idmançı bu dəfə qazax güləşi idman növündə mübarizə aparacaq.

Belə ki, sabah Bakıda start götürəcək qazax güləşi üzrə Avropa çempionatında Azərbaycanı təmsil edəcək 16 idmançı (8 qız, 8 oğlan) arasında Zutova da var. 

Qeyd edək ki, Zutova cüdo üzrə Azərbaycan çempionu olub.

2019-cu ildə Belarusun paytaxtı Minskdə keçirilmiş II Avropa Oyunlarında sambo millimizin yeganə qadın idmançısı olub.

O, güləşdə 2021-ci ilin martında Macarıstanda Olimpiadaya lisenziya verən Avropa təsnifat turnirində və həmin ilin mayında Bolqarıstanda keçirilən dünya təsnifat turnirində 76 kq-da Azərbaycanı təmsil edib. 2022-ci ildə Türkiyənin Konya şəhərində keçirilən V İslam Həmrəyliyi Oyunlarında gümüş medal qazanıb.

2019-cu ildən MMA turnirlərində da mübarizəyə qoşulan Gözəl Zutova daha əvvəl universal döyüş və qrapplinq yarışlarında çıxış edib. O, oktyabrda Bakıda keçirilmiş kəmər güləşi üzrə Avropa çempionatının qalibi olub. Qazax güləşi onun qüvvəsini sınadığı 7-ci idman növü olacaq.