"Qarabağ"ın 15 yaşadək komandasının yeni baş məşqçisi müəyyənləşib.

Prosport.Az-ın xəbərinə görə, bu posta ötən ilin noyabrında I Liqa klubu "Şamaxı"dan ayrılmış Vüqar Əsgərli təyin olunub.

O artıq yeni komandası ilə debüt də edib. Belə ki, dünən "Neftçi" U-15-i ilə "Qarabağ" qarşılaşıb. Görüş 2:2 hesabı ilə başa çatıb.

Qeyd edək ki, "Qarabağ" U-15 komandasının baş məşqçisi Rakif Əliyev idi. O bu gün feysbuk hesabındakı paylaşımında klubdan ayrıldığını bildirib.