Xorvatiyada keçirilən güləş üzrə reytinq xarakterli “Zaqreb Open” turniri davam edir.

Prosport.Az xəbər verir ki, bu gün Azərbaycanın daha 6 idmançısı qüvvəsini sınayacaq.

Yarışın 3-cü günündə yunan-Roma güləşçiləri mübarizəyə qoşulacaqlar. Baş məşqçi Aleksandr Tarakanovun rəhbərlik etdiyi komandanın 3 üzvü xalça üzərinə çıxacaq. Sənan Süleymanov, Xasay Həsənli (hər ikisi 77 kq) və İslam Abbasov (87 kq) çempionluq uğrunda mübarizə aparacaq.

Qadınların yarışında isə Alyona Kolesnik (59 kq), Birgül Soltanova (62 kq) və Elis Manolova (68 kq) öz çəkilərinin ən güclüsü olmağa çalışacaq.

Qeyd edək ki, 3 sərbəst güləşçimiz – Əliabbas Rzazadə, Nurəddin Novruzov (hər ikisi 61 kq) və Cəbrayıl Hacıyev (74 kq) “Zaqreb Open”də bürünc medal qazanıb. Dünən xalçaya çıxan 2 legioner güləşçimiz isə medal qazana bilməyib.