Azərbaycanın 3 sərbəst güləşçisi Xorvatiyada keçirilən reytinq xarakterli “Zaqreb Open” turnirinin ilk günündə bürünc medal qazanıb.

Prosport.Az xəbər verir ki, bunlar Əliabbas Rzazadə, Nurəddin Novruzov (hər ikisi 61 kq) və Cəbrayıl Hacıyevdir (74 kq).

Qeyd edək ki, bu gün yığmanın digər üzvləri – Georgi Meşvildişvili və Vahid Qalayev (hər ikisi 125 kq), həmçinin qadın güləşçi Gültəkin Şirinova (55 kq) mübarizəyə qoşulacaq.