"Qarabağ"ın 15 yaşadək komandası AFFA U-15 Liqasında qış fasiləsinə qələbə ilə yollanıb.

Prosport.Az-ın xəbərinə görə, Rakif Əliyevin baş məşqçi olduğu komanda XVII turda "Qəbələ" ilə qarşılaşıb. Qəbələ şəhər stadionunda keçirilən qarşılaşmada meydan sahibləri 55-ci dəqiqəyədək meydan sahibləri 2:1 öndə olsa da, "Qarabağ" "kam-bək" etməyi bacararaq 3:2 qalib gəlib.

"Qəbələ"dən Allahverdi Şirinov (29), Sübhan Rzayev (47), "köhlən atlar"dan Amin Rzayev (2), Adəm Qafarov (55) və Xəzər Nağızadə (77) qolları vurub.

Qeyd edək ki, "Qarabağ" qış fasiləsinə 45 xalla vahid lider kimi yollanıb. Bu komandanın ən yaxın izləyicisi "Sabah" 43 xalla 2-cidir. "Sumqayıt" 39 xalla 3-cüdür. 3 fevralda U-15 Liqası qaldığı yerdən davam edəcək.