Qadın voleybolçulardan ibarət Azərbaycan millisinə cəlb olunacaq kubalı legionerlərin adları bəlli olub.

Prosport.Az-ın əldə etdiyi məlumata görə, köhnə/yeni baş məşqçi Faiq Qarayevin milliyə cəlb etmək istədiyi əcnəbi oyunçular Qisell Silva, Ana Kleqer və Vilma Salasdır.

32 yaşlı Qisell Silva hazırda Cənubi Koreyanın "Kalteks" klubunda karyerasına davam edir. Milli komandada Qisell Əzimli adı ilə oynayacaq. 

34 yaşlı Ana Kleqer Ana Piriyeva kimi çıxış edəcək. O hazırda Türkiyənin "Zeren" klubunda oynayır.

32 yaşlı Vilma Salas "Beşiktaş"ın üzvüdür. O, Vilma Alışanova kimi oynayacaq.

Qeyd edək ki, hər üç voleybolçu 2013-cü ildən milliləşdirilib. Onlar 2014/15 mövsümündə "Rabitə"nin şərəfini yerli voleybolçu statusunda qoruyub. Lakin hər üç voleybolçuya millidə çıxış etmək qismət olmayıb.

Səbuhi Musa