Qadın voleybolçulardan ibarət millimizin baş məşqçisinin təqdimatı baş tutub.

Prosport.Az-ın məlumatına görə, əvvəldən də bilindiyi kimi bu vəzifəyə Faiq Qarayev təyin olunub.

Faiq Qarayev təyinatı ilə bağlı çıxış edib: "Voleybolda gələn il 40 illik məşqçilik stajım tamamlanacaq. Çox fikirləşdim və bu barədə qərar verdim ki, yenidən millidə baş məşqçi işləyim. Yığmanın potensialı var. Düzgün iş görülsə, yaxşı nəticələr ola bilər. Yığma komandanın bayrağı altında azarkeşləri sevindirmək çox çətin iş olsa da, bunu bacarağımıza inanıram. Tənqiddən qorxmuram. Bilirəm ki, uduzanda tənqid olunacağam. Amma hər şeyi göz önünə alıb bu qərarı vermişəm".

Daha sonra Faiq Qarayevə Azərbaycan Voleybol Federasiyasının prezidenti Şahin Bağırov tərəfindən milli komandanın forması təqdim olunub. Həmçinin, federasiyanın baş katibi Faiq Orucov 2023-cü ildə görülən işlər barədə hesabatı təqdim edib.

Qeyd edək ki, saytımız 2 gün əvvəl millimizə növbəti dəfə Faiq Qarayevin təyin olunduğunu bildirmişdi.