PFL-in vitse-prezidenti Aslan Şahgəldiyev əməliyyatdan çıxıb.

Bu barədə Prosport.Az-a onun əməliyyat olduğu xəstəxananın mətbuat xidmətinin rəhbəri Samir Oruc bildirib: "Onun əməliyyatı bitib. Hazırda reanimasiya bölümündə vəziyyəti nəzarətdədir. Sabah gün ərzində onların durumu ilə bağlı detallı açıqlama olacaq".

Qeyd edək ki, "Vita"nı sürən Rasim Qafarlı PFL əməkdaşı deyil. Onun qəzaya düşən zaman avtomobili 90 km/saat sürətlə idarə etdiyi bildirilir. Hadisə zamanı avtomobil yol nişanı quraşdırılmış dirəyə çırpılıb.

21:29

Bu gün Ağdamda ağır avtomobil qəzasına düşən Peşəkat Futbol Liqasının (PFL) prezidenti Elxan Səmədov əməliyyatdan çıxıb. PFL-in vitse-prezidenti Aslan Şahgəldiyev isə hazırda əməliyyat olunur.

Bu barədə Prosport.Az saytına PFL-in mətbuat xidmətinin rəhbəri Sənan Abdullayev məlumat verib.

Qeyd edək ki, hər iki şəxsin vəziyyəti ağır olduğundan, ilkin olaraq Türkiyədə əməliyyat olunacağı deyilsə də, əməliyyatın Bakıda – AFFA prezidenti Rövnəq Abdullayevə məxsus "Liv Bona Dea Hospital"ında baş tutmasına qərar verilib. E.Səmədov sağ baldırın 1/3-də yerdəyişmiş qəlpəli açıq sınıq, sağ dirsək oynağının oynaqdaxili sınığı və A.Şahgəldiyev fəqərə sınığı diaqnozu ilə xəstəxanaya yerləşdirilib.

Xatırladaq ki, bu gün səhər saat 06:30 radələrində Yevlax-Ağdam-Laçın yolunun Ağdam rayonunun Birinci Dördyol qəsəbəsi ərasizində PFL əməkdaşlarının olduğu "Mercedes Vito" markalı avtomobil Xankəndi şəhəri istiqamətində hərəkətdə olarkən qəzaya uğrayıb. Rəsul Qafarlının sürdüyü avtomobildə PFL-in prezidenti Elxan Səmədov, vitse-prezidenti Aslan Şahgəldiyev, texniki direktoru Elgiz Abbasov, icraçı direktoru Zaur Hacı-Məhərrəmov və mətbuat xidmətinin rəhbəri Sənan Abdullayev olub. Onlar Azərbaycan Kubokunun 1/8 final mərhələsinin "Qarabağ" – MOİK oyununun təşkilati işləri üçün Xankəndiyə ezam məqsədi ilə gedirmişlər.