AFFA və UEFA Akademiyasının birgə əməkdaşlığı çərçivəsində "Elite Club Programme" təhsil layihəsinin 2-ci sessiyasına start verilib.

Prosport.Az xəbər verir ki, dekabrın 9-dək davam edəcək seminar Almaniyanın Frankfurt şəhərində təşkil edilib. Seminarda AFFA-nın, PFL-in və Azərbaycan Premyer Liqasında mübarizə aparan klubların nümayəndələri iştirak edir.

Tədbirin ilk günü aşağıda qeyd olunan mövzular ətrafında seminar keçirilib:

– “Ayntraxt” (Frankfurt) klubunun strukturu və strategiyası
– Klubun əməliyyatlarının idarə edilməsi – CEO baxışı
– İdman direktorunun və İdman departamentinin rolu
– Stadion turu

Klubun əməliyyatlarının idarə edilməsi mövzusunda Belçikanın “Löven” klubunun baş icraçı direktoru Peter Vilems fikirlərini bölüşüb. İdman direktorunun və İdman departamentinin rolu haqqında İsveçrənin “Servett” klubunun idman direktoru, veteran futbolçu Filip Senderos çıxış edib. 

Qeyd edək ki, proqramın əsas məqsədi Premyer Liqa klublarının klub idarəçiliyi sahəsindəki biliklərinin artırılması və təkmilləşdirilməsidir. 3 mərhələdən ibarət olan layihənin sonuncu – 3-cü sessiyası fevralda Bakıda keçiriləcək.