1-4 dekabr tarixlərində Türkiyənin Bursa şəhərində təşkil olunan alpaqut turan döyüş sənəti üzrə IV dünya çempionatı başa çatıb.

Prosport.Az-ın xəbərinə görə, 23 ölkənin yığma komandalarının iştirak etdiyi çempionatda gərgin mübarizə gedib.

Yarışın açılış mərasimində Bursa Böyükşəhər Bələdiyyəsi sədrinin müavini Fəthi Yıldız, Bursa Yıldırım, İlçe Gənclər və İdman Xidmətləri Bölgəsi müdiri Mehmet Dəmirci, Dünya Alpaqut Federasiyasının Beynəlxalq əlaqələr üzrə vitse-prezidenti Emil Rəhimov, Dünya Alpaqut Federasiyasının İdarə Heyətinin sədri Kutsan Vasif Namazov və Türkiyə Alpaqut Federasiyasının prezidenti Mətin Karadəniz iştirak edərək yarış iştirakçılarına uğurlar arzulayıb.

Çempionatın ümumi nəticələrinə görə, yarışa 180 idmançı ilə qatılan Türkiyə komandası 1-ci yer, 49 idmançı ilə iştirak edən İraq komandası 2-ci yer və 44 idmançı ilə iştirak edən Azərbaycan komandası isə 3-cü yeri tutub.