"Bakıda keçirilən hərbçilər arasında dünya çempionatında yunan-Roma güləşçilərimiz 4 qızıl, 1 gümüş, 3 bürünc medal qazandılar və komanda hesabında 2-ci olduq".

Prosport.Az-ın xəbərinə görə, bunu yunan-Roma güləşi üzrə millimizin məşqçisi Həsən Əliyev deyib.

34 yaşlı dünya və Avropa çempionu yığma komandanın məşqçiləri başda olmaqla, bütün şəxsi məşqçiləri və güləşçilərin ailələrini təbrik etdiyini bildirib: "Yarışda istədikləri nəticəni əldə edə bilməyən idmançılar səhvlərini düzəldib, yaxşı çalışıb, gələn yarışlarda daha yaxşı nəticələr əldə edərlər, inşallah".

Qeyd edək ki, dünya çempionatında Azərbaycan güləşçiləri 11 qızıl, 3 gümüş, 7 bürünc medal qazanıb. Sərbəst güləş millimiz nəticələrə görə, 1-ci, qadınlar və yunan-Roma güləşi üzrə yığmamız isə 2-ci olub.