"Hərbçilər arasında dünya çempionatında iştirak etməməyim məşqçilərin qərarıdır. Burada iştirak etməyə biz özümüz qərar vermirik".

Bunu Prosport.Az saytına yunan-Roma güləşi üzrə olimpiya mükafatçısı, ikiqat dünya və üçqat Avropa çempionu Rafiq Hüseynov deyib.

35 yaşlı idmançı sentyabrda Serbiyanın paytaxtı Belqradda keçirilmiş dünya çempionatından qayıdarkən hərbçilərin dünya çempionatında iştirak istəyini gizlətməmişdi. Bəs idmançı Milli Ordunun kapitanı olsa da, niyə bu yarışdan kənarda qaldı? Təcrübəli güləşçi bu dünya çempionatından kənarda qalmağının zədələrlə bağlı olmadığını bildirib: "Sadəcə, məşqçilər belə qərar verdi ki, başqa idmançılara da şans verilsin. Onların qərarına hörmətlə yanaşıram. Bu mənim qərarım deyil".

Qeyd edək ki, hərbçilər arasında Olimpiya və ikiqat dünya çempionu olan Rafiq Hüseynov Belqraddakı dünya çempionatında 82 kq-da qızıl medal qazanıb. Bu çəkidə hərbçilərin dünya çempionatında Azərbaycanı Azad Əliyev təmsil edir.

Səbuhi Musa