Futbol üzrə Azərbaycan Kubokunda II təsnifat mərhələsinə yekun vurulub.

Prosport.Az xəbər verir ki, son olaraq daha 2 qarşılaşma baş tutub.

"Şamaxı" səfərdə "Zaqatala"nı 1:0 hesabı ilə üstələyib. Komanda 1/8 finalda "Səbail"lə üz-üzə gələcək.

Digər görüşdə isə "İmişli" evdə "Mingəçevir"i eyni hesabla məğlubiyyətə uğradıb. I Liqa təmsilçisi növbəti raundda "Qəbələ"yə rəqib olub.

Qeyd edək ki, daha əvvəl "Karvan", "İrəvan", MOİK, "Səbail", "Turan Tovuz", "Qaradağ Lökbatan, "Kəpəz", "Araz-Naxçıvan" və "Sumqayıt" 1/8 finala vəsiqə qazanıb.