Kişi voleybolçulardan ibarət “Xarı Bülbül Şuşa” komandası Çelenc Kubokunda növbəti oyununu keçirib.

Prosport.Az xəbər verir ki, Azərbaycan təmsilçisi Yunanıstanda “Panatinaikos”un qonağı olub.

Qarşılaşma meydan sahiblərinin qələbəsi ilə bitib – 3:1 (25:16, 25:12, 23:25, 25:16). Bakıda reallaşan ilk matçda 0:3 hesabı ilə uduzan Şuşa klubu mübarizəni dayandırıb.

Qeyd edək ki, “Xarı Bülbül Şuşa” Çelenc Kubokunun 1/32 finalında Slovakiyanın “Spartak” komandasını hər iki görüşdə məğlub edib (3:0, 3:1).