"Qarabağ"ın 15 yaşadək komandası AFFA U-15 liqasında liderliyini məğlubiyyətsiz sürdürür.

Prosport.Az-ın xəbərinə görə, Rakif Əliyevin baş məşqçi olduğu komanda son 3 turda "Zirə"yə 2:0, ASTA-ya (Azerbaijan Sport Talents Academy) 9:2 və "Lion"a 10:3 hesabı ilə qalib gəlib.

Ən maraqlı məqam son matçda baş verib. "Sərhədçi" İdman Mərkəzinin stadionunda keçirilən qarşılaşmada "Lion" 45-ci dəqiqədə hesabı bərabərləşdirib – 3:3. Lakin bundan sonra "Qarabağ" futbolçularını saxlamaq mümkün olmayıb və onlar 7 dəfə "şirlər"in qapıçısını məyus edib. Hətta 79-cu dəqiqədə "köhlən atlar" 1 dəqiqəyə 2 qol (Amin Rzayev və Xəzər Nağızadə) vurmağı bacarıb.

Qeyd edək ki, "Qarabağ" hazırda 12 tura 36 xal toplayıb və çempionatda xal itirməyən yeganə komandadır.