"Bu təkcə Dövlət Sərhəd Xidmətinin (DSX) yarışı deyil".

Prosport.Az-ın məlumatına görə, bunu "Sərhədçi" İdman Mərkəzinin direktoru, Yerli Təşkilat Komitəsinin nümayəndəsi, polkovnik Elşən Mirzəyev deyib.

Sabah Bakıda hərbçi güləşçilər arasında XXXVI dünya çempionatına start veriləcək. Bununla bağlı bu gün mətbuat konfransı keçirilib. Elşən Mirzəyev saytımızın əməkdaşının verdiyi suala belə cavab verib: "Bu yarışda DSX, Milli Ordu, Daxili Qoşunlar və Fövqəladə Hallar Nazirliyinin hərbçiləri də mübarizə aparacaq. Sadəcə, Azərbaycan olaraq təşkilatçılıq DSX-yə həvalə olunub".

Qeyd edək ki, 29 noyabr – 2 dekabr tarixlərində keçiriləcək dünya çempionatında sərbəst, qadın və yunan-Roma güləşi üzrə 18 ölkədən – Azərbaycan, Türkiyə, Rusiya, ABŞ, Qazaxıstan, Braziliya, Albaniya, Italiya, İsveçrə, İran, Belarus, Rumıniya, Monqolustan, Nigeriya, Əlcəzair, Tunis, İordaniya və Tanzaniyadan 222 (176 kişi və 46 qadın) idmançı mübarizə aparacaq. Görüşləri 12 beynəlxalq dərəcəli hakim idarə edəcək.

Səbuhi Musa