Maliyyə problemləri ucbatından dağılmaq təhlükəsi ilə üzləşən "Xarı Bülbül Şuşa" komandası Çelenc Kubokunun 1/16 final mərhələsinin cavab oyunu üçün Yunanıstanın paytaxtı Afinaya uça bilib.

Prosport.Az-ın xəbərinə görə, uçuş xərclərini Azərbaycan Voleybol Federasiyası qarşılayıb.

Komanda oyuna 1 gün qalmış bu gün saat 04:20-də Bakını tərk edib. Voleybolçular artıq Afinadadır.

Qeyd edək ki, "Xarı Bülbül Şuşa" sabah "Panatinaikos"la qarşılaşacaq. Bakıdakı görüş Yunanıstan təmsilçisinin 3:0 hesablı qələbəsi ilə başa çatıb.