Azərbaycan millisinin voleybolçuları Polina Rəhimova və Odina Əliyeva Vyetnam çempionatında fəxri kürsüyə qalxıblar.

Prosport.Az xəbər verir ki, Polina Rəhimovanın formasını geyindiyi “Xoa Çat Duk Qianq Tia Sanq” klubu liqanı gümüş medalla tamamlayıb.

Odina Əliyevanın şərəfini qoruduğu “Binh Dyen Lonq An” isə 3-cü yeri tutaraq bürünc mükafata yiyələnib. 200 milyon Vyetnam donqu (14084.53 AZN) komandasına verilib. 

Polina Rəhimova həmçinin Vyetnam liqasının ən yaxşı hücumçusu seçilib. Ona 10 milyon Vyetnam donqu (704.23 AZN) verilib.