Qadın voleybolu üzrə ölkə çempionatında bu gün keçiriləcək oyunlar təxirə salınıb.

Prosport.Az xəbər verir ki, ölkəmizdə səfərdə olan Avropa Voleybol Konfederasiyasının (CEV) prezidenti Aleksandar Boriçiç, CEV-in vitse-prezidenti Renato Arena, Türkiyə Voleybol Federasiyasının prezidenti Akif Üstündağ və Bolqarıstan Voleybol Federasiyasının prezidenti Lyubomir Qanevlə bir sıra görüş və tədbirlər keçiriləcəyindən, bu gün keçirilməsi nəzərdə tutulan V turun bütün qarşılaşmalarının vaxtının dəyişdirilməsi qərarı alınıb.

Təxirə salınmış oyunların keçiriləcəyi tarix haqqında məlumat veriləcək.

Qeyd edək ki, qadın voleybolu üzrə Azərbaycan çempionatına dünən V turun mərkəzi qarşılaşması olan "Azərreyl" – "Abşeron" görüşü ilə start verilib. Bakı İdman Sarayında keçirilən görüşdə nominal qonaq komanda son ölkə çempionu olan "dəmiryolçular"ı 3:1 hesabı ilə məğlub edib.