26-29 oktyabr tarixlərində İtaliyanın Karrara şəhərində keçirilən kunq fu üzrə dünya çempionatında milli komandamız 37 medal qazanıb.

Prosport.Az xəbər verir ki, bütün kateqoriyalar üzrə 50 idmançı ilə təmsil olunan Azərbaycan 28 qızıl, 6 gümüş və 3 bürünc medalla Bakıya qayıdıb.

Bu gün 40 yaşını tamamlayan kikboksinq və kunq fu üzrə tanınmış idmançımız, eləcə də kun fu komandasının rəisi Anar Süleymanov da dünya çempionu olub. O bu dəfə veteranlar arasında 2 döyüş keçirərək qızıl medal qazanıb.

Qeyd edək ki, ölkəmiz komanda hesabında meydan sahibi İtaliyadan sonra 2-ci olub.