Macarıstanın paytaxtı Budapeştdə keçirilən karate üzrə dünya çempionatını Azərbaycan 2 qızıl medalla başa vurub.

Prosport.Az-ın xəbərinə görə, 2 il əvvəl BƏƏ-nin Dubay şəhərində keçirilmiş dünya çempionu olmuş İrina Zaretskaya (68 kq) yenə qızıl medal qazanıb. Ukrayna əsilli idmançımız hazırda üçqat dünya çempionudur.

Ötən dünya çempionatında Rafael Ağayevin də heyətində yer aldığı kişi kumite millimiz bürünc medal qazansa da, bu dəfə 3-cü yerin astanasından dönüb. Komandamız bürünc medal uğrunda görüşdə İtaliyaya 1:3 hesabı ilə uduzub.

Parakarateçimiz Emiliya Mitlinova (K10 kateqoriyası) da dünya çempionu olmağı bacarıb. O, finalda kata nümayişini çexiyalı Veronika Kamenskidən daha yaxşı nümayiş etdirərək dünya çempionu olub.