"Qəbələ" Azərbaycan Premyer Liqasının Xl turunda səfərdə "Sumqayıt"la 0:0 hesablı heç-heçə edib.

Prosport.Az xəbər verir ki, matçdan sonra keçirilən mətbuat konfransında "qırmızı-qaralar"ın baş məşqçisi Elmar Baxşıyev jurnalistlərin suallarını cavablandırıb:

– Bilirdik ki, çətin oyun bizi gözləyir. "Sumqayıt" bu mövsün yaxşı oyunu ilə seçilən komandalardandır. Matç göstərdi ki, hər 2 komanda bir-birinə layiq idi. "Sumqayıt" da qalib gələ bilərdi, biz də. Düşünürəm ki, oyunun ədalətli nəticəsi heç-heçə idi. Komandam meydanda istədiyim bəzi elementləri verməyə çalışır. Ola bilər ki, nəticəyə çatmırıq, amma oyun planında daha da inkişaf edə bilərik.

– Qələbə üçün nə çatmadı?
– Qol çatmadı. Hücumların sayı çoxdur. Tək bu oyunda yox. Son 6-7 matça nəzər yetirsək, bəlkə də çempionatda hamıdan çox hücumdayıq, sadəcə son nöqtəni qoya bilmirik. Lakin ümid edirik ki, onun da vaxtı gələcək, onu da düzəldəcəyik. 

– "Səbail" və "Sumqayıt" qapınız qarşısında daha çox qol epizodu yaradır. Bunun səbəbini nədə görürsünüz?
– "Səbail"lə hansı oyuna baxmısınız? Bu mövsümü deyirsiniz? Həmin görüşdə 18 hücum bizdə olub, 1 dəfə rəqibdə. "Səbail" 1 hücum edib, 90+5-ci dəqiqədə, onu da qol vurublar. Bumövsümkü oyun tam üstünlüyümüzlə keçib. Sadəcə, son dəqiqədəki qolla uduzmuşuq.