"Komandada hər şey çox yaxşıdır. "Səbail"ə qarşı sonuncu matçda qələbə qazandıq. Bizi növbəti çətin qarşılaşma gözləyir". 

Prosport.Az xəbər verir ki, bu sözləri "Neftçi"nin futbolçusu Rəhman Hacıyev Azərbaycan Premyer Liqasının Xl turunda "Sabah"a qarşı keçirəcəkləri oyunula bağlı klubun rəsmi televiziyasına açıqlamasında deyib.

O, ancaq qələbə haqda düşündüklərini bildirib: "Çox yaxşı hazırlaşırıq. Hər görüş vacibdir. Meydana 3 xal üçün çıxacağıq".

Hacıyev 3 mövqedə çıxış edə bildiyini söyləyib: "Baş məşqçi harada şans versə, daha yaxşısını etməyə çalışıram. Məncə, oyunum sağ cinahda daha yaxşı alınır. Növbəti görüşdə iştirak etsəm, qələbə üçün nəsə etməyə çalışacağam".

O, "Sabah"ın 3 gün əvvəl "Sumqayıt"la II turdan təxirə salınmış oyunda iştirak etməsinə toxunub: Biz belə şeyləri düşünmürük. Rəqib yorğun ola bilər. Amma biz öz oyunumuzu düşünməliyik və qələbə qazanmalıyıq".

Qeyd edək ki, oktyabrın 29-da "Neftçi Arena"da keçiriləcək "Neftçi" – "Sabah" matçı saat 18:30-da start götürəcək.