Qadınlardan ibarət Azərbaycan millisi Millətlər Liqasının qrup mərhələsinin III turunun oyununda Farer adaları yığmasını məğlub edib.

Prosport.Az xəbər verir ki, Klaksvik şəhərində gerçəkləşən qarşılaşma təmsilçimizin 2:1 hesablı qələbəsi ilə yekunlaşıb.

Millinin qollarını Kristina Bakarandze (30) və Manə Mollayeva (50) vurublar. Dal Kristiansen 83-cü dəqiqədə meydan sahiblərinin təsəlli qoluna imza atıb.

Xal ehtiyatını 7-yə çatdıran komanda yer aldığı C liqasının 3-cü qrupunun vahid lideridir. Daha əvvəl ötən ay Bakıda Kiprlə 1:1 oynayan Siyasət Əsgərovun yetirmələri səfərdə Monteneqronu 1:0 hesabı ilə məğlub edib.

Qeyd edək ki, yığmamız növbəti görüşünü oktyabrın 31-də “Dalğa Arena”da qrup 2-cisi Monteneqroya qarşı keçirəcək.