"Kəpəz"in Mühafizə Xidmətinin rəisi Elmar Əliyev işindən azad olunub.

Prosport.Az-ın xəbərinə görə, Elmar Əliyev sosial şəbəkə hesabında Azərbaycan Premyer Liqasının XI turunun "Turan Tovuz" – "Kəpəz" oyunundan sonra bu məsələ ilə bağlı danışacağını, bundan sonra azarkeş kimi oyunlara gələcəyini bildirib.

Lakin "Kəpəz"in mətbuat xidmətinin rəhbəri Azad Mustafayev bildirib ki, o, 10 gün əvvəl tutduğu vəzifədən azad edilib: "O, işində nöqsanlara yol verib. Bu səbəbdən də işindən azad olunub. Artıq bu vəzifəyə təyinat olub. Bu, Famil Ağamirovdur. O, əvvəllər polis orqanlarında və Xüsusi Təyinatlı Qüvvələrdə çalışıb".

Qeyd edək ki, Famil Ağamirov X turun Tovuz şəhər stadionunda keçirilmiş "Kəpəz" – "Zirə" matçı (0:0) zamanı iş başında olub.