“İrəvan” rəhbərliyi “Şamaxı” ilə oyuna çıxmağın yolunu tapıb.

Prosport.Az xəbər verir ki, klub "Xəzər Lənkəran"ın sabiq futboçusu Alim Qurbanov da başda olmaqla, bir sıra futbolçuları məşqə və oyuna çıxmağa razı salıb.

Məsələ ilə bağlı “Football-plus.az”a maraqlı informasiya daxil olub. Sən demə, klub rəhbərliyi bəzi futbolçuları açıq-aşkar şantaj edib. Onlara məşqə və oyuna çıxmayacaqları təqdirdə bəzi dövlət idarələrində çalışan ailə üzvlərinin işdən azad olunacağı bildirilib. Həmin futbolçuların çoxu az maaş alanlar olub. Oyunçular pullarını almağı və məşqlə oyuna çıxmağı qəbul edib.

Məsələ bununla da bitməyib. “İrəvan” rəhbərliyi təklifləri qəbul etməyən futbolçularla bağlı da tədbir görüb. Aylıq 2-3 min manat arası maaş alanları hüquq-mühafizə orqanlarına çağrılacaqları ilə bağlı şantaj ediblər. Futbolçular bunun üçün əsas olmadığını bildirərək yenə də məşqə çıxmağa razılıq verməyib.

Məsələ ilə bağlı “İrəvan” rəhbərliyinin mövqeyini işıqlandırmağa hazırıq.