Niderlandın I Divizionunda X turun oyunları keçirilib.

Prosport.Az xəbər verir ki, Azərbaycan millisinin yarımmüdafiəçisi Ozan Can Kökçünün çıxış etdiyi “Eyndhoven” PSV-nin gənclərdən ibarət komandasının qonağı olub. Səfər meydançasında keçirilən derbi matçı “Eyndhoven”in 4:3 hesablı qələbəsi ilə başa çatıb.

90 dəqiqə meydanda olan Ocan Can 81-ci dəqiqədə Yasper Dalhausun assisti ilə fərqlənməyi bacarıb. Komandasının 4-cü qolunu vuran futbolçu “Eyndhoven”ə qələbə qazandırıb.

Xatırladaq ki, Ozan Kökçü oktybrın 6-da "Den Bosx"la görüşdə komandasına qələbə qazandıran yeganə qolu vurmuşdu. Türk əsilli futbolçu sentyabrın 25-də isə "Ayaks"ın gənclərdən ibarət komandası ilə görüşdə 90+2-ci dəqiqədə qol vurmaqla komandasını məğlubiyyətdən xilas etmişdi. Hər 2 matç da səfərdə keçirilmişdi.

Bu nəticədən sonra “Eyndhoven” 20 xalla 20 kollektiv arasında 4-cü pillədə qərarlaşıb. Komanda lider “Roda”dan 3 xal geri qalır.