Albaniyanın paytaxtı Tiranada U-23 dünya çempionatı start götürüb. 

Prosport.Az xəbər verir ki, dünən sərbəst güləş üzrə Azərbaycan millisinin 5 üzvü mübarizə aparıb.

61 kq

Ceyhun Allahverdiyev türkiyəli Əmrə Kurala 4:1 hesabıyla qalib gəlsə də, 1/4 finalda qırğızıstanlı Tahirbəy Jumasbəyə məğlub olub – 5:8.

74 kq

Cəbrayıl Hacıyev 1/8 finalda hindistanlı Navin Navinə uduzub – 3:5.

86 kq

Arseni Cioyev debütdə ermənistanlı Muşeq Mkrtçyana heç bir şans tanımayıb – 10:0. Ancaq o, 1/4 finalda rusiyalı Arslan Baqayevlə bacarmayıb – 0:6.

92 kq

Əbdülcəlil Şabanov startda Şimali Makedoniya təmsilçisi Recep Haydaridən güclü olub – 4:1. Həmyerlimiz 1/4 finalda moldovalı Yon Demyana məğlub olub – 2:12.

125 kq

Vahid Qalayev 1/8 finalda kanadalı Karanvir Mahili mübarizədən kənarlaşdırıb – 4:0. Ancaq yarımfinal yolunda türkiyəli Adil Mısırcıya uduzub – 0:11.