"Zəngəzur" klubu Yunanıstanın paytaxtı Afinada keçiriləcək "Elite Neon Cup 2023" turnirində qüvvəsini sınayacaq. 

Prosport.az xəbər verir ki, 27-29 oktyabrda 10-12 yaşadək futbolçulardan ibarət komandaların yarışında "Zəngəzur" klubu da iştirak edəcək.

Azər Cabbarovun rəhbərlik etdiyi komanda C qrupunda Rumıniyanın "Styaua", Kosovonun "Drita", Yunanıstanın "Panatinaikos", "Makedonikos" və "Aqia Anna" kollektivləri ilə mübarizə aparacaq.

Bundan başqa turnirdə Danimarka, Fransa, Rusiya və digər ölkələrin klubları da iştirak edəcək. İştirakçılar arasında məşhur PSJ, "Spartak" (Moskva) kimi klublar da yer alıb. Təmsilçimiz oktyabrın 25-i axşam saatlarında yola düşəcək.

Qeyd edək ki, bu turnirdə daha əvvəl Almaniyanın "Bayern", "Borussiya", İtaliyanın "Yuventus", İngiltərənin "Liverpul" və "Mançester Siti" kimi tanınmış klublarının akademiyalarının komandaları da iştirak edib.