Türkiyənin məşhur siması, aparıcı, eyni zamanda iş adamı Acun Ilıcalı "Huner Group"da olub. 

Prosport.Az xəbər verir ki, bu haqda "Huner Group"un yaydığı açıqlamada bildirilir.

Qonağa şirkət və onun həyata keçirdiyi layihələr barədə məlumat verilib. Həmçinin gələcək perspektivdə əməkdaşlıqla bağlı geniş müzakirələr aparılıb. 

Görüşdən sonra iki futbol klubunun sahibi olan Acun Ilıcalıya "Turan Tovuz"un forması hədiyyə edilib. Xüsusilə Acun Ilıcalının sahib olduğu "Hall Siti" klubu ilə "Turan Tovuz" arasında qarşılıqlı əməkdaşlıq və təcrübə mübadiləsi haqqında razılıq əldə olunub.