"Avropa çempionatına vəsiqə qazanmaq başlıca məqsədimiz idi".

Prosport.Az xəbər verir ki, bunu Avstriya millisinin futbolçusu Marsel Zabitser deyib.

Azərbaycan yığması ilə Bakıda keçirilmiş AÇ-2024-ün seçmə mərhələsinin oyununda penalti zərbəsini dəqiq yerinə yetirməklə komandasına 1:0 hesablı qələbə qazandıran hücumçu xoşbəxt olduqlarını bildirib:

"Əlbəttə, oyunun taleyini daha əvvəl həll edə bilərdik. Amma Azərbaycan millisinin də şansları var idi. Qrupda birinci olub-olmayacağımız o qədər də vacib deyil. Əsas odur ki, qələbə qazandıq".

Qeyd edək ki, yer aldığı F qrupunda xallarının sayını 16-ya çatdıran Avstriya millisi Avropa çempionatının final mərhələsinə vəsiqəni rəsmiləşdirib.