Güləş üzrə sabiq beynəlxalq dərəcəli hakimimiz Hicran Şərifov "CBC Sport" telekanalının "Əlavə vaxt" tok-şousunda qonaq olarkən maraqlı məqamlara toxunub.

Prosport.Az-ın xəbərinə görə, o, Rumıniyada texniki nümayəndə olarkən hazırda qadın millimizdə çıxış edən, Bolqarıstan türkü olan Elis Manolovanı millimizə cəlb etmək istəyindən danışıb:

"Ora oğlum, həyat yoldaşımla getmişdim. Yarışdan sonra Elis Manolovanın ailəsi ilə tanış oldum. Elisi Azərbaycana gətirdim. Onun sənədlərini asan yolla düzəldəcəkdim. Bacım oğlu ilə onu ZAQS-a aparıb, nikah bağlatdıracaqdım. Bizim gəlinimiz kimi rahat yolla Azərbaycan adından güləşəcəkdi. Şəxsi məşqçisi kimi mən gedəcəkdim. Bunu əlimdən aldılar, yazdılar öz adlarına".

Qeyd edək ki, əvvəllər otüstü hokkey və qadın voleybolunda milliləşdirilmə bu üsulla edilib.