Serbiyanın paytaxtı Belqradda keçirilən güləş üzrə dünya çempionatında Azərbaycan ilk qızıl medallarını qazanıb. 

Prosport.Az xəbər verir ki, bu, qeyri-olimpiya çəkilərində mübarizə aparan Eldəniz Əzizli ilə Rafiq Hüseynovdur.

Belə ki, Eldəniz Əzizli (55 kq) həlledici görüşdə gürcüstanlı Nuqzari Surtsumiayla qarşılaşıb. Növbəti dəfə tanış rəqibini tam üstünlüklə (13:4) cəmi 50 saniyəyə məğlub edən Eldəniz müstəqillik tariximizdə yunan-Roma güləşində ilk üçqat dünya çempionumuz olub.

Bir gün əvvəl olimpiya lisenziyasını təmin etmiş Sənan Süleymanov (77 kq) finalda Olimpiadanın gümüş medalçısı və son dünya çempionu Akjol Mahmudovla güləşib. Qırğızıstan idmançısı sonuncu xal prinsipinə əsasən (1:1) qalib gəlib və Sənan 2-ci dəfə dünya çempionatında gümüş medalla kifayətlənib.

Rafiq Hüseynovun (82 kq) finaldakı rəqibi iranlı Əlirza Mohmadipiani olub. Rəqibini 2:1 hesabıyla üstələyən təcrübəli güləşçimiz 2-ci dəfə dünya çempionluğunun sevincini yaşayıb.