Serbiyanın paytaxtı Belqradda keçirilən lisenziya xarakterli dünya çempionatı davam edir.

Qol.az xəbər verir ki, bu gün Azərbaycanın daha üç qadın güləşçisi mübarizəyə başlayacaq.

2 qat dünya, 9 qat Avropa çempionu olan Mariya Stadnik (50 kq) təsnifat mərhələsində kubalı Yusneylis Quzmanla üz-üzə gələcək.

Jalə Əliyeva (57) 1/16 finalda kolumbiyalı Andrea Qonzaleslə, Birgül Soltanova (65) isə 1/8 finalda türkiyəli Kadriye Aksoyla qarşılaşacaq.

57 kq-da Alyona Kolesnik təsəlliverici qarşılamada macarıstanlı Tamara Dollakla güləşəcək.

Bu gün həmçinin Məhəmmədxan Məhəmmədov (97) finalda Bəhreyn idmançısı Axmed Tajudinovla üz-üzə gələcək.

Xatırladaq ki, buna qədər Azərbaycan güləşçilərindən Osman Nurməhəmmədov gümüş medal qazanıb.