Azərbaycanın sərbəst güləşçiləri Serbiyanın paytaxtı Belqradda keçirilən lisenziya xarakterli dünya çempionatının ilk günündə uğursuz çıxış edib.

Prosport.Az xəbər verir ki, bu gün mübarizəyə qoşulan 4 güləşçinin hamısı məğlub olub.

61 kq çəki dərəcəsində çıxış edən İntiqam Vəlizadə təsnifat mərhələsində Cənubi Koreya təmsilçisi Hyeonsik Sonqa qalib gəlsə də, ardınca qırğızıstanlı Taiyrbəy Oğluya uduzub.

70 kq-da Məhəmməd-Bəşir Xaniyev eyni raundda Qazaxıstandan olan Səncər Dojanovdan güclü olub. Lakin Xaniyev İran idmançısı Əmirməhəmməd Yazdaniçeratinin müqavimətini qıra bilməyib.

86 kq-da Əbubəkr Abakarov 1/16 finalda kanadalı Aleksandr Muru üstələsə də, Fransanı təmsil edən Rəhim Məhəmmədova yenilib.

125 kq-da Georgi Meşvildişvili 1/16 finalda bolqarıstanlı İslam Adizovu məğlub edib. O, növbəti raundda türkiyəli Taha Akgüllə bacarmayıb.